العوده للصفحة الرئسيه

 هذه المحاورة (قلطه ) ثنائيات بيني وبين الشاعر الوافي كانت قبل فترة قصيره شاعرنا الوافي له مني التحيه والتقدير .

***
البدع // الشاعر الوافي

***

أشرب من سلوم الرجاجيل فنجال
وآعيف من بعض السفاهات دله

و اذخر لصكات المقادير رجال
واهجر من اشباه الرجاجيل شله

***
الرد // خلف بن عطيه المالكي

***
ياصاحبي بعض السواليف تنقال
وبعضها (ع) القلب .. دائم ممله

ومن قال في درب الخَطَاء روح وتعال
أوصيك درب أهل الخَطَاء لا تدله

***
البدع // الشاعر الوافي

***

حي الصديق اللـي يعـرف الصداقه
الصاحــب اللـي ماتصدد اذا جيـت


وحـي الرفيق اللي يلـم...الرفاقه
اللــي يهلـي كل مااقبلت واقفـيت

***
الرد // خلف بن عطيه المالكي

***

بعض العرب لا غاب يؤلم فراقه
وانته ثلاث شهور وش فيك صديت


القلب لا امثالك يزيد إشتياقه
وافي ولك علماً يجمل ووفيت

***
البدع // الشاعر الوافي

***

المعذره لا ابطيت عنكم بمرسـال
حكم القدر يــفرض علينا ظروفه


لو إبتعدنا أشهد انكم على البال
نـذكر غـلا الغالي ولـو مـانشوفه

***
الرد // خلف بن عطيه المالكي

***

همومنا يالوافي إخفاف وثقال
ومرسالكم والله قرينا حروفه


أحب انا أصحابي وفي كل الأحوال
وعيني على صاحب تصفق كفوفه