العوده للصفحة الرئسيه

***

ياصاحبي لا عد تعاتب وتشره
وتحسب خطايا الناس حاقد وشمات

اليوم له يومه ... وبكره لبكره
ومافاد رفع الصوت للعلم الى فات

مادام كلً ينتظر ... منك عثره
الناس كلً له خطايا وعثرات

أضحك بوجه الوقت يسره وعسره
ولا تكسر الخاطر مع صفو الأوقات

وخذ لك من أيام الشقاء يوم عبره
واكتب على صفحات الايام خبرات

وخل لك بين المخاليق نظره
وخل لك وقفه تسرك وهقوات

وخل الردي يرقد وفالقلب حسره
هو حي محسوباً في أعداد الأموات